有個操牛津腔的人按對講機

樓下按對講機, 我接。

樓下聲音: Hello, is this the 2/F ?

我: Yes

樓下聲音: Please come down and pick up your parcel

我: What's that? Who're you?

樓下聲音, 呆左一左: Who am I? I'm the postman

我, 都呆左一呆: 你可以講中文, 我宜家落呢

this is it

昨日去看電影《this is it》, 這是一套講述michael jackson在綵排倫敦「復出」演唱會時的精況. 和一般記錄片有點不一樣, 全片沒有半句旁白;當然不用旁白啦, 全世界的人都知道發生了什麼事.
如果你是mj迷, 你自然會去看; 如果你喜歡音樂, 你不能錯過; 如果你什麼都不愛, 你也應去開開自己眼界.

電影十分精彩, 讓觀眾們可以窺探到那未能完成的音樂盛事。如果不是mj出了意外, 如果那演唱會能成功舉辦, 我相信那是一個比madonna的confession tour concert更好看的音樂會 -- 除了耳熟能詳的歌曲外，新的舞步《drill》、video與stage的結合、3D版的《triller》、新穎的舞台設計、對healing the world的熱誠...

mj由幾歲開始已站在舞台上, 名副其實的「老叔父」, 真係有乜大場面未見過? 但在電影中我們一樣看到mj認真的排練. 一絲不茍、自信、平易近人, 你會體會到king of pop這個名並不是白叫的.

有一幕講mj面向觀眾,要配合身後的video開展舞步. concert director問他如背著video怎知道應何時開始. 他想了一想, 說:i can feel it. 我開頭唔明, 以為佢講笑, 但散場後再想想, 是的. 他是mj, 他是有能力feel到舞台上的所有事情的.

早兩日睇報紙話謝廷峰睇這電影睇到喊, 我都有d想喊同同感. 一個咁叻的人在努力準備一件盛事時突然離開, 怎不叫人婉惜?

買樓難

有個女醫生打去電台同曾蔭權講, 話同個做律師的男朋友打算結婚, 但買唔起樓.

香港的樓係貴, 但總唔可以話一對專業人仕夫婦買唔起. 連我呢d微塵都買到(不過當然係平野), 無理由話醫生律師買唔起. 問題係佢地想買咩樓架啫.

以太古城尺價7500, 1000尺單位來說, 現價約750萬, 月供2萬8, 首期220萬. 對剛畢業的醫生律師又無家人支助的話, 的確有點困難, 但如果一對三十歲以上的專業人士, 問題應不太大. 我相信那位醫生聽眾唔係太後生, 就係心頭太高, 想買唔止1000尺唔止7500尺價的單位吧.

買唔到貴樓可以點? 有三個方法. 一係打比曾蔭權, 二係想辦法賺多d錢, 三係平平地買住間先, 第時樓換樓.

第一個方法無乜實際用途, 但可以把買唔到樓的問題推比當權者, 唔當係自己的問題, 等自己個心好過d.

第二個方法最積極, 但不能一時三刻見效.

第三個方法最實際. 但2009年的香港人不是1968年的香港人, 再沒有一種「鬼叫你窮啊頂硬上」的心態.

香港的發展近年停了下來, 甚至退步的原因, 我認為, 是現今的香港人把成功當成必然的, 有問題自己不努力解決而期望別人去解決, 不把自己的不滿發作動力, 反而用d無無謂謂的方法發洩.

香港啊香港, 我曾以你為我的驕傲, 我會否再見到香港飛揚?

習慣

有人話每日寫一篇blog好難, 一來無咁多野寫, 二來無咁的習慣。

我就覺得每日寫blog一d都唔難. 很多認識我的朋友都知我由2000年開始, 每日都有寫. 很多時一日唔止一篇添.

我覺得一個習慣因某些原因停止後, 要再pick up返才是難中之難. 寫blog如是, 去教會如是, 運動如是. 要開始一個習慣, 相比起resume, 實在容易得多.

或者轉轉心態, 把update這個blog當作一個新的任務, 看看可不可以培養成一個「新」的習慣吧.

michael jackson

今早換衫返工時, 收音機傳來惡耗, 我立刻呆了, 一來覺得可惜, 二來有點不捨. 我是很喜歡michael jackson的.

記得讀中學時, 明珠台預告第二晚會有black or white的music video全香港首播, 我們幾個同學視這為大事, 當晚捕在電視機前等待, 跟住即刻邊學邊唱, 第二日返到學校更一齊討論. 當時真的覺得king of pop的魅力沒法擋.

另一首music video我的印象也很深, 那首歌就是bad. video是在老舊的地鐵站內拍, 十幾二十個「飛仔」在地鐵站入面跳舞, roller, 對峙, 本己十分有型吸引. 誰不知過了一兩星期, 另有一首扮佢的搞笑mtv, 叫fat, 差不多的場面, 好好笑的歌詞. 直到多年後, 我還是對這歌念念不忘.

bad - http://www.youtube.com/watch?v=ACPsfcsg4ZE&feature=fvst
fat - http://www.youtube.com/watch?v=nN0WWg2ZWQA

最為人津津樂道的mtv, 首推triller. 這應該是第一套以故事型式來拍攝的music video, 動聽的音樂, 出色的的舞蹈, 精巧的化妝, 實在是經典中的經典, 最後mj回頭的一幕令人印象深刻.
http://www.youtube.com/watch?v=k3S2AkYUVxk

雖然佢後期真係怪怪地令很多人討厭他, 但他除了帶給全世界音樂, moon walk舞步, mtv等外, 亦作了一首we are the world, 並邀請很多當代巨星合唱, 帶頭喚醒人類對非洲貧窮的關注.
http://www.youtube.com/watch?v=WmxT21uFRwM

這樣的一粒巨星殞落, 怎不叫人婉惜?

完美音響

lunch時出街買抹布, 入到一間雜貨店正在選購之間, 忽然留意到有歌聲, 歌是不知名又老土又唔知咩話, 很配合那家位於街市旁上的小店的style.

歌就不怎麼樣, 但那音響的臨場感一流, 就好像那歌者在你旁邊演唱一樣. 很好奇為何一家「兜茂」雜貨舖有部咁靚的音響, 於是四處看看那speaker係點.

結果發現原來真係有個阿叔自己響度哼歌...唔怪得d聲咁真實啦.

百佳廣告

近日百佳找來蘇施黃來拍廣告, 內容都是什麼什麼最抵最超值.

其實百佳用咁多錢賣廣告話自己最平最平, 但奇怪的是為何從來沒人相信? 更奇怪的是明知無人相信, 為何要繼續sell平?

聰明

細個睇金庸小說, 以為聰明就等於萬能.

十年前睇dilbert, 當中有一個message感受很深: 單是聰明並不會帶來成功.

今日想想, 聰明可能會是一些人的詛咒.

我老豆都算聰明, 但他的聰明用了去不光明的地方, 結果也就更不光明; 又認識一個有小聰明的, 以為聰明比努力重要, 結果他只比又蠢又懶的人優勝, 成績遠遠不及又聰明又勤力的人; 又有因為聰明而做事順利得意的, 卻因而自負得緊, 不聽忠告, 結果成就也止於中上.

今時今日聰明的人多如牛毛, IQ 120都算中下, 正直努力與虛心才是成功的關鍵.

轉轉轉

今時今日轉轉轉的行為真係比以前普遍左很多, 我估其中一個原因係轉的「交易費用」減低了很多.

以前轉software, 要買過要學過新野, 但現在所有sw都可以唔洗錢, interface又差不多; 以前轉教會就失去前教會, 但今日憑msn facebook, 幼稚園同學都找得返, 又那懼失去聯係? 以前換女朋友會把舊情人變為仇人, 但今日再見亦是朋友, 重邊有人咁小器?

我媽媽以前是亞視的死忠, 但自從香港有了cable和now後, 她還不是轉轉轉? 新聞台東森台100台係咁轉, 真係無野啱啦, 咪轉返011咯, 無負擔的.

拜山 > 1%

每年的清明, 我家都會有一天到錦田掃墓, 另一天則到深圳大鵬灣拜山, 婚後又有一天隨angela到將軍澳拜祭她爸爸; 重陽則只到錦田一處.

如是者, 每年春祭用去三天, 秋祭一天, 全年共四天. 一年有365日, 4/365 = 1.096%. 嘩, 原來我拜山都拜左百份之一的日子喎, 真係有孝心啦.

咁希望祖先見我咁乖, 醒返個六合彩三千萬以上的jackpot獎勵下我啦.

恭喜我

收到個sms話恭喜我成為該公司的幸運兒, 可以特價做個什麼美容療程, 重有禮物二選一: 1-意大利壓力絲襪, 或2-矯型胸圍.

嘩! 乜咁多謝啊!?

讓座

有個大左肚的朋友講開讓座比大肚婆.

我除了會讓座給孕婦外, 我也會讓給有需要的人如和老人家或受傷的人. 但有時不知應不應讓給染了黑髮的老人家 -- 因為唔知佢地想唔想人地覺得佢老.

討論中有很多人說會讓座的多是中年人或地盤佬; 後生仔、西裝友同OL就好少讓座. angela都係一個OL, 咁我就問佢會不會讓座給孕婦, 佢個答案有點出乎我意料:
「大肚婆好少上樓上架喎」(angela只坐巴士, 只坐樓上)

其實讓座係美德, 但唔係必然的. 如果你是孕婦或老人家企到好累, 但無人讓座給你, 也請不要生氣, 畢竟別人沒有義務讓給你. 我雖不是大肚又不是老人家, 但這絕不是風涼話. 我自己也試過腳傷到要用拐杖先出到街, 成個殘廢look都無人讓座. 無人讓我又不會生氣, 有人讓我就多謝, 絕不會去用責備的心去看人.

我們應有公德心同情心, 也應教導下代如此. 但我覺得只是要用來叫自己多點施與, 而不是奉旨受顧.

阿嬌

我很少留意娛樂新聞, 更非twins的歌迷, 但不代表我住在山洞的. 星期日我第一次看志雲飯局, 是因為今次的嘉賓是阿嬌.

我對阿嬌的認識不深, 但看她上節目時的講話談吐, 很明顯的她比其他28歲的女仔幼稚/天真/傻. 她被陳冠希氹到發生關係和影相並不出奇. 要知道一個壞男孩要去玩弄一個對佢痴心又傻的女仔, 並不是什麼難事和新奇.

她願意拍這些照片是好天真好傻沒錯, 但天真和傻不等如佢壞. 我對於她拍照的事只有同情. 我不會怪責她, 因為關我鬼事咩, 要怪的只有佢自己可以怪自己低b兼白痴.

另外佢受人批評得最緊要的是她的虛假. 如果你有看志雲飯局的, 都應和我一樣, 認為她還有事情沒坦白交代, 甚至沒有真誠地認錯. 常說錯就要認, 打就要企定, 顯然阿嬌做不到, 還以「有誰沒有傻過」等說話為自己開脫. 但阿嬌是阿嬌, 阿嬌不是張栢芝. 我雖然不是閱人無數, 但也不是初出茅廬, 我認為受了大打擊, 即使係自己攞呢衰的都好, 為自己找個開脫只是人之常情, 我自己都會.

我不是去肯定她認同她, 只是我都犯過錯事, 不應用石頭去掉她吧. 再者, 我對靚女係寬容d的.

我未買過twins的唱片, 但如果她們出新碟的話, 我估我會去買一張. 我不是要支持她, 只是當作鼓勵她吧. 她們以往帶給香港人不少歡樂, 我也不忍心這樣的一對組合消失.

你可能會問我道德何在. 我會用一句陳志雲在節目結束時的話來回應: 道德究竟是用來規範自己行為的一把尺, 還是用來鞭撻別人的一樣利器?

這個社會己夠戾氣了, 鼓勵一個曾犯錯的人, 好過要佢消失啦. 可能有天犯錯的會是你和我呢.

to 供 or not to 供, that is the question

昨日匯豐下午4時收市大約報37蚊, 競價時段最後三秒更比人mark到$33. $28的供股價相對於現價來說只折讓15%, 很多本來還考慮供與不供的人, 相信已決定不供了. 而我本來想借用hamlet的金句已變得不太合適, 不過題目是早幾天想的, 也就懶得改了.

如果你問我意見, 我總體的認為匯豐不值得供. 原因跟很多其他人說的一樣: 你並非以$28的值錢去買入匯豐股份, 因為你如果不供的話, 可賣出供股權, 而供股權的理論價約為現價 - $28. 要供股就即是放棄沽出供股權, 所以供股的真正成本是$28 + 供股權市價, 亦等於現價. 在金融海嘯未明朗前, 現價買入匯豐有一定風險.

雖然我總的來說不建議供股, 但我又不會一刀切. 按不同情況我會有不同建議:

1 - 你只得一兩手匯控, 於90元以上買入並打算長期持有的, 這是一個溝淡的好機會 (通常我我極反對人溝淡, 但這情況有點不同). 建議你供.

2 - 你50元左右入左, 想長期持有. 我的意見是趁你未輸到無曬d錢, 睇位走人, 把手上的都賣掉, 正所謂君子不立危牆, 加上留得青山在, 那怕無柴燒. 假如你係都要買d野先安落, 不如換馬做盈富基金, 就算恒指未見底, 三五年後應該又是一條好漢. 更重要係波動無匯豐咁大, 你會訓得著覺.

3 - 如果匯豐佔你流動資金一半或以上, 你又好擔心的話, 那就無謂供了. 你已手持重貨, 心理壓力又大, 何必呢?

4 - 你手上匯豐唔少, 對佢長期有信心, 但又唔想拿錢出來供, 可選擇賣出部分供股權, 收到的金額用來拱餘下的股份. 例如你手上有2400股, 可供2400 x 5 /12 = 1000股新股. 假設匯豐現價為$40, 供股權理論約值 $40-$28 = $12. 你可沽出700股供股權, 收回$12 x 700 = $8400, 用來供300股新股($28 x 300 = $8400). 這樣你不用拿錢出來又可以增持你心怡的股票. 不過, 如果匯豐續跌至$28附近, 這招就不管用了. (這算式並不複雜, 我也不列出了, 總之匯豐股價愈高, 你可買的數量愈多; 股價愈跌, 你可買的就愈少)

5 - 你只想短抄的話, 都搏得下架, 不過你自己要識走位. 小心d啦.

聲明: 我沒持有匯豐股份或相關投資工具, 不過屋企人有.

補充: 匯豐以往的高增值, 很大部分是靠海外收購而來. 現在都無什麼好的資產可買, 東歐的投資又凍過水, 要返返上$120以上, 應該唔係三五七年的事.

奉勸: 你買匯豐果陣都係想開開心心賺錢和保值, 現在雖然唔見好多錢, 但無須搵命搏. 市場無欠你錢的, 佢更唔一定會還返你輸左果d比你. 總之投資就量力而為, 食得落, 訓得著就好了.

50km/hr

前一陣子有多宗因醉酒駕駛而起的致命交通意外, 社會上都有共識要嚴懲醉駕人仕, 甚至有很聲音要求對酒精「零容忍」. 但有人又擔心實際不可能, 例如這樣會令食左「醉雞煲」都唔開得車.

我偶然都會飲左少少酒開車的, 我相信大部分飲過下酒的人都同意, 飲一杯紅酒或兩杯啤酒是不會影響判斷力和反應能力的(平日滴酒不沾的人例外). 如果對酒精零容忍會構成很多不方便. 例如食飯時飲了兩杯, 要麼是留低架車坐二百蚊的士回家, 第二日又坐返二百元的士回去另加一百元的停車場費; 要麼叫一個清醒但開得比飲左幾杯的你還危險的伴侶開車. 我相信很多駕駛者會和我一樣選擇自己開車.

我指的不是醉到眼花花果隻, 而係飲完同無飲一樣清醒的情況. 飲得再多點, 我還是會坐多一會才開車, 或請身邊的人代勞.

雖則如此, 我卻好肯定在香港有很多不節制不自量不顧公德的駕駛者, 否則就不會咁多交通意外啦. 所以, 「零容忍」雖然對我不公平也不方便, 我卻百份百支持. 我在開車前不飲, 飲後不開車.

為了公眾安全, 犧牲一點個人方便是必須的.

除了酒後駕外, 駕使速度也是我關心的. 我向運輸署查過, 香港1976年推行十進制前, 一般道路速度限制是30 miles/hr, 而推行十進制後就是50km/hr, 兩者換算後實際相若. 運輸署亦告訴我從香港開埠到今日2009年, 速限都是維持一樣, 沒有改變過的記錄.

試想想這幾十年間, 汽車的質素無論是煞車, 操控, 各樣各樣的安全性性均比汽車發明時提高不少, 不調高速度限制是不合理的.

但我最近看過一些研究報告, 原來行人(不是駕駛者)發生交通被車撞倒時, 車速50km/hr的生還機要比起車速60km/hr的生還率要高十倍. 得知這事後, 我又覺得速限維持現水平是合理和需要的. 同理, 為了公眾安全, 犧牲一點個人方便是必須的.

雖則如此, 我仍然覺得香港有太多道路根本不會有行人的, 硬性限制於過時的50km/hr是不合理, 希望政府和公眾可以理性點, 放寛部分道路的時速限制. 應知道安全速度並不等如低的速度.

假如匯豐倒閉 - 下

一個月前, 我寄了一封電郵比金管局, 詢問一下如果匯豐倒閉會有什麼影響(見1月22日文章). 等了十日收到一個回覆, 說己收到我的電郵並在處理中.

再過兩星期, 又收到另一封email, 說正來處理中. 我心想金管局可能會認認真真咁答我, 否則的話唔使攪咁耐啊.

好了, 一個月後終於收到正式的答覆了. 原文如下:

敬啟者： 就閣下電郵所查詢之事項，本局的回覆如下: 香港的銀行體系安全穩健，市民大眾無須過於憂心。香港金融管理局不會就個別銀行的情況以及假設性的問題作出評論。

謝謝。

黃停芳
香港金融管理局公眾查詢服務組

如果你唔想答咪早d講唔答咯, 你攪咁耐先整封咁野來, 算乜得架. 個公眾查詢服務組d人都唔知出糧有咩做的.

你又對我的問題有無咩解答比到我呢? 多謝賜教.

download音樂

我一向都不贊成人聽盜版cd看翻版dvd. 如果沒有錢買正版或不願付錢的, 那就不要聽不要看. 因為這些都是非必要的娛樂, 不應該為一己私慾去損害出版者而助長非法侵權者.

現在都沒有人買翻版了, 都在網上免費download. download雖然不犯法, 卻同買盜版一樣不道德, 但這樣不道德的事情我最近都有做.

我會download電視看. 美國的電視劇在香港要等大半年才有轉播, 有時又因為錯過了香港本地的節目而上網睇返, 在2009年錄影機其實已經沒什麼實際用途.

除了電視節目外, 我還會download音樂. 我並非是不想購買正版, 而是那些cd在香港好難買, 連hmv都沒有出售, 公共圖書館更借不到. 買不到又想聽的情況下, 唯有download. download了幾張後我發覺真係好方便, 之後便download得愈來愈多.

問題來了. 以前我買親cd回來, 總會很用心的去聽, 每一首歌都去聽它melody它的歌詞, 有些欣賞, 有些嫌惡; 有些喜歡, 有些討厭. 總之, 都是很投入的聽, 沒有浪費.

但現在聽新的音樂容易了(新只代表我之前未聽過, 不一定是新出版), 一天可以有兩三張未接觸過的albums可聽, 反而當成背景音樂, 聽得馬馬虎虎, 結果本應有的愉悅都錯過了.

故此, 我決定不再隨意download音樂了. 還是每張cd慢慢的, 細心的欣賞吧.

假如匯豐倒閉 - 上

近日忽發奇想, 如果匯豐倒閉, 會對香港的金融體制有什麼影響. 我自己都想不出答案, 所以去問專家. 在香港有誰比金管局更專家呢? 所以我send了以下email到金管局.

有回信時會post出來. 在等回信時, 大家不妨發表一下你的睇法.

致金管局:

你好, 我本人對香港銀行體制、貴 局對本港金融機構的監管、以及對匯豐銀行都充滿信心, 非常信任。 然而匯豐與香港的關係非比尋常, 作為香港市民, 非常有興趣知道, 假使有一天匯豐真的因資不抵債, 又沒有其他商業銀行願收購時, 對香港有多大影響。以下是我就各方面提出疑問, 希望貴 局能撥冗解答。

金管局 / 香港政府會否注資
--------------------------------------
Q1.1 - 匯豐早年已遷冊倫敦, 金管局或香港政府會否注資一間英國銀行?

鈔票如何處理
-------------------
Q2.1 - 匯豐發行的紙幣會否變得毫無價值?
Q2.2 - 發鈔銀行是以美元作backup的, 假如匯豐倒閉, 金管局或香港政府會有什麼措施或機制, 令手持匯款鈔票人士, 兌換成其他發鈔銀行鈔票、或金管局發行之港幣, 又或者是美元呢?
Q2.3 - 銀行每發行$7.8的鈔票, 便需存入1美元到金管局. 請問該美元存款是否仍屬發鈔銀行? 如匯豐破產, 其於金管局的美元會否因破欠條例而被凍結?

存款/借貸
-------------
Q3.1 - 我相信香港政府於匯豐銀行有很大量的存款, 如匯豐倒閉, 會對香港政府的財政有多大影響? 又會否波及金管局的財政?
Q3.2 - 匯豐作為本港同業拆借市場中一名非常重要的參與者, 金管局有什麼措施以防止一家銀行的倒閉嚴重影響到其他銀行的穩健?
Q3.3 - 匯豐作為本港樓宇貸款的放款者, 如真的倒閉, 在匯豐做mortage的人, 會否即時被call loan? 繼而大幅拖低樓價? 金管局或政府有什麼措施防止或減低影響?

出糧戶口
-------------
Q4.1 - 香港公務員、社會機構以及各大小商業公司的出糧戶口, 大都在匯豐, 如果一旦匯豐倒閉, 是否香港會有大多數人不能獲發工資? 金管局又有否任何保障措施?

以上是我對匯豐銀行一旦倒閉時, 比較關心又與貴 局有關的問題, 希望貴 局能抽空解答.

謝謝, 並祝工作愉快

市民
Dustin

熱香餅餐 - 下集

匯豐股價跌到得返六十幾蚊, 咁的環境下, 比人呃左隻豬喎, 一個幾毫都要同佢死過啦.

今朝入到麥當勞, 先增值八達通200蚊, 之後拿出昨天張收據, 同個麥妹妹講:「唔該一份早晨全餐飲橙汁外賣, 另外我昨天來買熱香餅餐你地比少左塊豬柳我喎.」

佢睇睇張單, 然後好客氣咁講唔好意思, 然後問我想點. 我就話你比返塊豬柳我啦. 佢二話不說就比左一份有兩塊豬柳的早晨全餐我.

我今朝都唔肚餓, 所以只飲了杯橙汁同件hash brown. 其餘的我放入雪櫃中午叮來吃. 好飽.

其實我知道麥當勞一定會比返塊豬柳我的, 因為麥當勞真係幾好蝦. 我讀中學時的經歷可證明:

話說我讀中四定中六時, 有一段時間常和一班同學午餐光顧麥當勞, 其中一個同學叫「奸仔」, 佢試過叫一個芝士漢堡包, 先食左塊芝士, 然後拿返去個counter話無芝士, 麥當勞即刻換過比佢.

之後有一次重離譜, 又係奸仔叫左個漢堡包, 食到得返四份一, 再拿起塊牛扒, 走返去同佢講無牛扒, 叫佢換返, 居然都肯比佢喎.

咁神奇的事都可以發生, 我這種真正的受害者, 有咩可能取不回我的小小公道?

熱香餅餐 - 上集

今早去麥當勞買個熱香餅餐外賣, 佢比少左塊豬柳喎.

其實我都只係想食個熱香餅, 又唔係好想食佢塊豬柳, 所以都唔覺有咩損失. 之但係我真金白銀比錢買架嘛, 佢少比左我又有d唔甘心喎. 我保留左今朝張單, 看看我明早能不能討回公道.

...待續

你大個想做什麼?

我中學時有位老師問我, 問我大個想做什麼. 我說不知道.

為什麼不知道? 你問我「大個左想做什麼」, 那我要大個左才知我想做什麼; 但如果你問我「想大個左做什麼」, 我會答你我想做xxx. 「大個左想做什麼」和「想大個左做什麼」是不同的.

我當時不覺得自己好寸, 只是用最strict的答案去回答, 順便耍一耍小聰明而已.

昨日無啦啦想起這無聊事, 忽然覺得好對唔住那位關心我的老師, 後悔自己把口做乜咁衰. 老師, sorry.

受委屈的魔鬼

萬物都是上帝所作的, 包括善與惡.

善惡是上帝所定的, 上帝把祂所喜的定為善, 把不喜歡的稱為惡. 如此, 上帝的善並沒有什麼偉大, 沒有什麼值得稱頌, 因為祂只是做祂所喜歡的事罷了 -- 我有了這個想法多年, 直到最近才想到另一面.

魔鬼是惡的. 魔鬼一定是惡的. 但魔鬼的惡似乎來得有點無奈. 他只是喜好和上帝有所不同, 而就是這不同的興趣, 僅僅是有不同的興趣, 上帝就教我們魔鬼永遠是惡的.

我不知先有罪惡還是先有魔鬼, 但從這角度看, 魔鬼挺可悲的.

特別普通

如果我話你唔止靚, 重係特別靚, 咁即係你好靚好靚.

如果我話你唔止生得高, 重係特別高, 咁即係你好高好高.

但如果我話你特別普通, 咁你究竟是普通啊? 還是不普通呢?

油油油到我手痛

其實唔係油油攪到我手痛, 係鏟底同磨沙紙整親.

事緣係我屋企個廳有幅牆, 可能因為之前外面水管關係,「撲」曬出來好核突, 所以我趁這幾天有時間自己油返佢. 結果我整得好肉酸, 好唔滿意. 以下是我油油的部分過程

未整前, 窗右面幅牆「撲」得好樣衰



去油漆舖買齊工具, $220, 包括鏟、大小油掃、泥板, 油、司拿、補牆灰, 砂紙等.



本來我地幅牆之前係巴馬士的(Permoglaze), 貪佢少假野同埋英國皇室都用佢, 點知去到間油漆舖佢話無喎. 咁我就打返電話比之前的裝修師傅阿輝哥, 問佢邊度買到, 再請教下佢油油的程序咁. 點知輝哥話我知間廠摺左喎. 唯有去個油添舖配返隻不多色, quality又ok的啦, 結果選左nippon paint #1902


開工前, 移開張osim, speaker, 大牛龜電視, 擴音機同梳化先.




這幅窗簾都要用d時間同iq先拆到落來.

我的工衣和工鞋 (咁條褲呢? 著住左)


開始鏟左舊d油同爛左的地方


「扮」工作中的我, 因為沙塵滾滾, 所以要戴mask.

鏟牆補牆磨砂紙油油, 有時又要等d野乾, 前前後後都用左四日先完成. 當中的第一日最辛苦, 因為要用力鏟走d舊油同埋爛牆. 原來鏟牆都要有d節奏先有效. 唔怪得d油漆師傅咁好唱口, 原來係可以用唱歌來keep住個節奏的. 而我唱的歌唔知點解會係《滄海一聲笑》

磨砂紙都好累人的, 我隻手到現在還有少少痛, 手指又有些少擦傷.

一來時間關係, 二來我油油時無人幫我影相, 所以skip曬. 過了四日終於完成了, 遠睇都好似ok, 不過呢....
近睇其實「岩岩獑獑」.

算啦, 雖然好唔滿意, 但已無氣力再重新來過了. 二來其實外牆有個大洞, 唔整返佢都可大可能再爛過. 等過完年成個building大維修先算啦.