你得唔得閒啊?

如果有個人想找你幫忙, 你認為佢邊個方法好d, 比較consider人地?

1 - 直接問:「你可唔可以幫我xxx啊?」, 定係
2 - 先問下你得唔得閒, 得閒的話才再請你幫手.

就咁睇好似2比較condsiderate, 人地得閒先叫人幫啦, 唔得閒就由佢. 但實際上2係比較自我中心, 亦唔係一個體諒別人的態度.

人地得閒, 未必可以幫你架喎. 我得閒, 可能只係想同你去飲杯野, 唔代表我願意幫你做第二樣野架喎. 如果我第一句唔小心答你話得閒, 我之後又如何好意思去推卻你的要求呢?

用第1種方法問我, 我婉拒對方, 大家好地地; 但如果我話得閒又拒絕你的話, 反而變左我好似欠你咁, 非常討厭.

另一個討厭就係一接電話人地就問我響邊. 關你鬼事咩. 我通常只會答佢響街咯. 如果個問題改一改, 問「我想來找你傾下計啊, 你在不在xx啊?」, 你話好幾多呢.