讓座

有個大左肚的朋友講開讓座比大肚婆.

我除了會讓座給孕婦外, 我也會讓給有需要的人如和老人家或受傷的人. 但有時不知應不應讓給染了黑髮的老人家 -- 因為唔知佢地想唔想人地覺得佢老.

討論中有很多人說會讓座的多是中年人或地盤佬; 後生仔、西裝友同OL就好少讓座. angela都係一個OL, 咁我就問佢會不會讓座給孕婦, 佢個答案有點出乎我意料:
「大肚婆好少上樓上架喎」(angela只坐巴士, 只坐樓上)

其實讓座係美德, 但唔係必然的. 如果你是孕婦或老人家企到好累, 但無人讓座給你, 也請不要生氣, 畢竟別人沒有義務讓給你. 我雖不是大肚又不是老人家, 但這絕不是風涼話. 我自己也試過腳傷到要用拐杖先出到街, 成個殘廢look都無人讓座. 無人讓我又不會生氣, 有人讓我就多謝, 絕不會去用責備的心去看人.

我們應有公德心同情心, 也應教導下代如此. 但我覺得只是要用來叫自己多點施與, 而不是奉旨受顧.